【自助餐放蛇起底组】$168韩烧 炸鸡小食任食

在尖沙咀食韩烧闲闲哋都要二、三百蚊先落到楼，今次俾我哋发现了这家韩式餐厅，韩烧再加炸鸡等小食任食都係$168，食唔食得过？立即去片睇试食报告啦！

31款食物选择 110分钟任食

虽然$168咁平，但任食时间只有110分钟，两个钟都唔够，把握时间！食物选择方面有31款任拣，肉类只有几款猪肉和鸡肉，牛魔王要失望了！熟食有炸鸡~冷麵及便当，选择感觉都丰富。

沙律、烧肉、炸鸡、泡菜炒鱿鱼、水冷麵︴泡菜海鲜汤、手摇便当饭等共31款选择。

韩烧烧猪鸡肉　必食厚切味噌猪腩肉

肉类选择最吸睛的是厚切猪腩肉，有4款味咁多：宫廷甜味、原味、味噌及辣味酱汁，送到嚟件件都好肥美，真喺厚切嫁~而且酱料都落得好重手。肉质软滑，4款入面最好食是味噌，好惹味！辣味唔算太辣，係食完入喉咙后才有微微辣度渗出，呢两款必食！另外个两款…原味劲鹹；甜味係无味，千万唔好点!另外香草鸡腿肉及五花露笋卷都唔错，食得过！

炸鸡手摇便当食到饱

炸鸡炸鸡炸鸡！去食韩国嘢一定要点啦！呢度有得任食喎，不过炸鸡全是鸡翼，无得一啖吞，有原味及辣味选择，上菜都唔等好耐，送上嚟时热辣辣，同埋非常脆，好香口，辣味係Must try！第一啖食落去是甜味，第二啖开始辣辣哋，越食越辣，好过瘾！会送几颗酸萝蔔粒，但係无帮助既，因为真係好辣！

手摇便当同Menu张图好有出入，好颓，太阳蛋蛋消失咗，只有两片午餐肉、司华力肠、泡菜及少量酱汁等。盖返饭盒用力摇了分几钟，摇完后酱汁都未能蘸满整个饭盒，饭粒太硬，未够软熟，午餐肉同司华力肠味道正常，玩下ok啰。

以为手摇饭盒已经够颓，但原来泡菜煎饼仲颓，平时餐厅啲泡菜煎饼放只细细哋的酱料碟都无咩野，但呢个一放酱料碟都差唔多遮晒个饼喎，而且而家啲粉好贵咩？薄到咁…….似食紧萝蔔及蒽的粉糰，泡菜係无味的。

总结：

食物选择都ok，如果有牛肉及更多蔬菜会更Happy。小食和熟食选择都唔错，但可惜除炸鸡外，其他都颓颓哋。服务和环境方面都有加返分，店员好nice，上菜速度亦快。

总分：7.5/10

韩韩馆

地址: 尖沙咀弥敦道63号iSquare7楼705舖(显示地图)

电话: 3425 4090

任食供应时间: 星期一至四：12nn-3pm，6pm-11pm

星期五至日：12-11pm

收费:$168

用餐时间:入座时间起计110分钟

备注:设加一，收信用卡

延伸阅读:

【自助餐放蛇起底组】大排档任食3小时 $118沙田围重庆烧